القلوب لها طاقة 

سيدنا النبي لما جاله وحشي يعلن إسلامه .. قال له صلي الله عليه وسلم : يا وحشي إن استطعت ألا تلقاني فافعل -مش قادر اشوفك- سيدنا النبي رغم رحمته وتسامحه لكن اللي عمله وحشي من قتله لسيدنا حمزة أحب اعمام سيدنا النبي وشق بطنه والتمثيل بجثته .. كل دا خلى سيدنا النبي مش قادر يتعامل مع وحشي بشكل طبيعي لأنه هيفتكر شكل عمه وبشاعة الموقف كل مرة يشوف فيها وحشي .. 

يقول وحشي : كنت اجتهد ألا يراني رسول الله -كنت بحاول استخبي علشان ميشوفنيش-

سيدنا ابو بكر كان مُسطح شغال معاه في التجارة وشغل البيت وليه أجر -مرتب- بياخده من سيدنا أبو بكر .. لما منافقي المدينة اتهموا بنت سيدنا ابو بكر -عائشة- في شرفها .. مُسطح مدافعش عنها .. لكن اتكلم عنها بشكل مؤذي .. والكلام وصل سيدنا أبو بكر .. 

سيدنا أبو بكر فصله من الشُغل وقاله متكلمنيش تاني .. 

ولما نزلت براءة ستنا عائشة في القرآن .. جه أحد الصحابة لسيدنا أبو بكر علشان مُسطح يرجع الشغل .. سيدنا أبو بكر رجعه الشغل لله .. إنما مقدرش يتعامل معاه زي الأول ..

القلوب لها طاقة .. تتحمل مرة مرتين تلاتة .. حتى العفو يحتاج قوة عظيمة تفوق قوة الانتقام .. ومشقة الإنسان في الوصول للتسامح مع الآخر لا تعني أنه إنسان سيئ أبداً .. من اجل ذلك فكر ألف مره قبل م تظلم حد أو تسبب له أذى نفسي أو جسدي أو مادي وحتى لو كان نظرة بالعين

فاللهم اجعلنا من الناس الخيرين.. لا نترك في الناس إلا أثراً طيباً ولا ينالنا إلا دعاء جميل

 اقتباس

١٧٣

 إعجابًا

٣٧

 علامةً مرجعيةً